engaged? so?

Habang nananalasa ang Swine Flu at hindi pa rin humuhupa ang global recession, parang wala akong naririnig na balitang socially relevant para masundot ng aking minsan ay matatalim na komentaryo. Kaya focus muna tayo sa mga celebrities. Pero hindi ang kasal ni Juday at Ryan ang gusto kong sundutin. Walang spark yon. Kakasawa na rin ang mga litanya ni Bisaya sa mga kasong pinangangalandakan pa nya. Nakakaumay na. Mas magandang subject itong si Mar at Koring.

Nabalitaan ko lang pero hindi ko napanood yong Tv guesting nila sa Wowowee. One, dahil wala akong TFC at wala akong balak magpa-kabit. Two, hindi ako nanonood ng mga programang hosted by someone as antipatiko as Willie. So hindi ko nakita yong eksenang maiyak-iyak pa raw si Mar Roxas when they announced their engagement.

But when I read Mar’s column yesterday sa Abante, nag-reak talaga ako. I sent it to my friends with my usual ascerbic comment. And it turned out na ganon din ang sentimyento ng mga kaibigan ko. At kung paniniwalaan natin ang mga tabloid, they seem to reflect the same reaction. Marami ang nagtaka, tumaas ang kilay, nag-maasim din tulad ko.

Nakakapagtaka naman kasi na kung bakit sa isang afternoon show pa kailangang i-announce yon. To think na Roxas ay mga legitimate ultra-rich. Dapat sa lifestyle/society pages ng mga broadsheet at glossy magazines in-announce yon. Or, sa part ni Korina, sa programa nya. But on a show like Wowowee? Hmmm….

Sino ba ang gusto nilang ma-reach when they did their announcement? Ang buong Pilipinas? (yon eh kung totoong mataas ang viewership ng programang pinili nila). Bakit, national issue ba yon? Eh ano kung ikakasal na sila, would that be a concern para sa mga magsasaka sa probinsya? O yong mga pedicab driver sa binondo, mga mason sa construction site sa pasig, mga tindera sa palengke ng Bulaong, teachers sa mga elementary school ng Kidapawan, taxi drivers, bus drivers, konduktor, doctor at kung ano-ano pa? Bakit? Friends ba nila ang mga taong ito? Iimbitahan man lang ba nila sa reception ng kasal nila?

At akong namamaluktot sa office para kumita ng kaunting kabuhayan, ano namang pakialam ko sa engagement nila? Tataas ba ang sweldo ko kung papakasal na sila? Bibigyan ba ako ng bonus ng amo ko? So what the...

Tamaan ng Swine Flu itong dalawang ito kung hindi aamin na may ulterior motive sa ginawa nila. Si lalake kung hindi aamin na dahil sa political plans nya. Si babae for being a willing accomplice.

So, kelan ang kasal? Before the election? Bakit, will that ensure his win kung ano man ang position na tatakbuhan nya? As if the fiancee will provide the much-needed ‘bakya’ or ‘masa’ vote dahil kilala sya sa broadcast industry?

Asus! Yan ang hirap sa mga politiko natin. Hindi mapang-hawakan ang sariling credibility and performance records para iboto ng tao. At kailangan pang kumuha ng partner na sikat. Bakit si Chiz, sya mismo ang humahatak sa tao, background lang ang misis nya kahit maganda at may talent din.

At susunod sila sa ginawa nina Recto/Vi at Pangilinan/Shawie? Ewan. Si Vilma at Shawie proven ang hatak sa masa. Pero si Koring? Mukhang malabo. Kahit anong gawin nyang magpaka-bakya, iba ang dating nya. Yong tipong intelihente at super self-confident na career woman. Something na hindi maabot at maka-relate ang karamihan ng ordinaryong maybahay, estudyante o factory workers. At least si Vi at Shawie na-deglamorize sa mga mahihirap roles nila kaya mabango sa masa.

Kung totoo mang heartfelt ang pag-iyak ni Mar, sana nga para mag-tagal ang marriage nila. Pero kung ang dalawang ito ay parehong may mga hidden agenda, then their partnership is already doomed sa umpisa pa lang. Sooner or later, they might pay the price for keeping appearances.

At ako? Well, ano bang paki ko sa kasal nila. Basta mawala na ang swine flu at matapos na ang global recession, kahit hindi na sila ikasal okey lang.